മലയാള ഐക്യവേദി ഔദ്യോഗിക വെബ് പേജ്. സമഗ്ര മാതൃഭാഷാനിയമം പൂര്‍ണ്ണരൂപത്തില്‍ നടപ്പിലാക്കുക..

2016, ജനുവരി 4, തിങ്കളാഴ്‌ച

മധുരം കിനിയും മലയാളം.

മധുരം കിനിയും മലയാളം…
Sunday, Nov 1, 2015,11:07 ISTBY വിദ്യ സാബു

    മിണ്ടിത്തുടങ്ങാന്‍ ശ്രമിക്കുന്ന പിഞ്ചിളം
    ചുണ്ടിന്മേലമ്മിഞ്ഞപ്പാലോടൊപ്പം,
    അമ്മയെന്നുള്ള രണ്ടക്ഷരമല്ലയോ
    സമ്മേളിച്ചീടുന്നതൊന്നാമതായ്
    മറ്റുള്ള ഭാഷകള്‍ കേവലം ധാത്രിമാര്‍
    മര്‍ത്ത്യനു പെറ്റമ്മ തന്‍ഭാഷതാന്‍’’
- വളളത്തോള്‍ നാരായണമേനോന്‍
ഇന്ന് കേരളപ്പിറവി… കേരളത്തിന്‍റെ മണ്ണില്‍ മലയാള ഭാഷയുടെ ചെറുവേരുകള്‍ പതിഞ്ഞതും പിന്നെ ആഴങ്ങള്‍ തേടിയതും ഓര്‍മപ്പെടുത്തുന്ന ദിനം. യഥാര്‍ഥത്തില്‍ കേരളപ്പിറവി കേരളീയ വസ്ത്രമണിയുന്ന ഒരാഘോഷം മാത്രമാണിന്ന്. ഭാഷാടിസ്ഥാനത്തില്‍ ഒരു സംസ്ഥാനം രൂപീകൃതമായതിന്‍റെ ആഘോഷങ്ങള്‍ക്ക് യാതൊരു പ്രസക്തിയുമില്ലാത്ത കാലഘട്ടത്തിലൂടെയാണ് കേരളത്തിലെ ഭരണരംഗം സഞ്ചരിക്കുന്നതെന്ന് ഈ ദിവസം നമ്മെ ഓര്‍മപ്പെടുത്തിക്കൊണ്ടിരിക്കുന്നു. മലയാള ഭാഷയെ പരിപോഷിപ്പിക്കുക, പ്രചരിപ്പിക്കുക തുടങ്ങിയ ലക്ഷ്യങ്ങളോടെ പ്രവര്‍ത്തനം ആരംഭിച്ച മലയാളം ഐക്യവേദി എന്ന ഭാഷ സംഘടനയുടെ പിറവിക്ക് ഇന്നു പ്രസക്തിയേറുന്നതും ഇതുകൊണ്ടാണ്. ഇതേ പേരില്‍ ബ്ലോഗും നടത്തുന്നുണ്ട് സംഘടന. മലയാളം ഐക്യവേദിയുടെ സാരഥ്യം വഹിക്കുന്നവരില്‍ ഒരാളായ കോഴിക്കോട് വടകര സ്വദേശിയും മലയാളം ഭാഷാ അധ്യാപകനുമായ പി. പവിത്രന്‍ മലയാള ഭാഷയെക്കുറിച്ച് സംസാരിച്ചു തുടങ്ങിയത് ഏറെ ഇഷ്ടത്തോടെ. ആ വാക്കുകളില്‍ നിന്നു വായിച്ചെടുക്കാം മലയാളത്തോടുളള സ്നേഹം.
മലയാളം ഭാവിയുടെ ഭാഷ
ഒരു കല്യാണക്കുറിയും ചരമക്കുറിയും തമ്മിലുളള അന്തരം ലളിതമായി പറഞ്ഞു തന്നു കൊണ്ടാണ് അദ്ദേഹം സംസാരിച്ചു തുടങ്ങിയത്. കേരളത്തില്‍ കല്യാണക്കുറികള്‍ ഇംഗ്ലിഷില്‍ തയാറാക്കുന്നു. എന്നാല്‍ ഒരു ചരമക്കുറിപ്പ് എപ്പോഴും മലയാളത്തിലാണ് അച്ചടിക്കുന്നത്. ഇതാണ് ഈ ഭാഷകള്‍ തമ്മിലുളള അന്തരം. മലയാളത്തെ മരണത്തിന്‍റെ ഭാഷയായാണ് മലയാളികള്‍ തന്നെ കാണുന്നത്. എന്നാല്‍ മലയാളം ഭാവിയെ സ്വപ്നം കാണാന്‍ പ്രേരിപ്പിക്കുന്ന ഭാഷയാവണമെന്നു പറയുന്നു പി. പവിത്രന്‍. മലയാളം മരണം കൊണ്ട് അവസാനിപ്പിക്കേണ്ടതല്ല. അത് ഭാവിയുടെ ചിഹ്നമാകണം. പൊതുവേ ഭാഷാസ്നേഹികള്‍ ധരിച്ചിരിക്കുന്നത് പഴമയിലേക്കുളള തിരിച്ചു പോക്കാണ് ഭാഷയെന്നാണ്.
എന്നാല്‍ ഇത് തെറ്റായ ഒരു ധാരണയാണ്. പലതരം ആള്‍ക്കാര്‍ക്ക് പലതരത്തില്‍ ഇടപെടാനുളള മാധ്യമമാകണം ഭാഷ. ആഭ്യന്തരമായ സൂക്ഷ്മ ഭേദങ്ങളുണ്ടാവുന്നത് ഭാഷയുടെ വളര്‍ച്ചയെ കാണിക്കുന്നു. ഭാഷ എപ്പോഴും പുതുമയെ തേടുന്നതാവണം. അനുഭവത്തിന്‍റെ സൂക്ഷ്മഭാവങ്ങള്‍ കാണിക്കുന്നതാണ് ഭാഷയെന്നും അദ്ദേഹം പറയുന്നു.
ഭാഷ സാഹിത്യത്തിന്‍റേത് മാത്രമല്ല

ഭാഷയെ സാഹിത്യകാരന്മാരുടെ മാത്രം കുത്തകയായി കാണരുത്. മലയാളത്തിന്‍റെ ഇന്നത്തെ അധഃപതനത്തിന് കാരണം തന്നെ ഭാഷയെ സാഹിത്യത്തിന്‍റേത് മാത്രമായി കണ്ടുവെന്നതാണ്. കര്‍മമേഖലയുടെ താഴേക്കിടയില്‍ നിന്ന് മുകള്‍ തട്ടില്‍ വരെ എത്തുന്നതാണ് ഭാഷയെ സംബന്ധിക്കുന്ന പ്രശ്നങ്ങള്‍. ശാസ്ത്രജ്ഞര്‍ക്ക് വേണ്ടിയുളള ശാസ്ത്ര ഭാഷ മുതല്‍ സ്ത്രീകള്‍, കര്‍ഷകര്‍, പിന്നാക്ക സമുദായക്കാര്‍ തുടങ്ങിയവരില്‍ വരെ ഭാഷയെ സംബന്ധിക്കുന്ന പ്രശ്നങ്ങള്‍ എത്തുന്നുണ്ടെന്നും അദ്ദേഹം പറയുന്നു. എന്നാല്‍ ഇന്ന് ഭാഷയില്‍ കാണുന്ന വലിയൊരു മാറ്റം സമൂഹത്തിന്‍റെ എത്തപ്പെടാത്ത പല മേഖലകളിലേക്കും ഭാഷയുടെ സ്വാധീനം എത്തിയിട്ടുണ്ടെന്നതാണ്. ദളിത് വിഭാഗങ്ങളില്‍ നിന്നും മലയോര മേഖലകളില്‍ നിന്നും സ്ത്രീകള്‍ക്കിടയില്‍ നിന്നുമൊക്കെയുളളവര്‍ സാഹിത്യത്തിലേക്ക് കടന്നുവന്നിട്ടുണ്ട്. ഇത് ഭാഷയെ സംബന്ധിച്ച് വലിയൊരു മാറ്റം തന്നെയാണ്.
മാതൃഭാഷയ്ക്ക് വേണ്ടിയുളള സമരം
മാതൃഭാഷയ്ക്ക് വേണ്ടിയുളള സമരം- മലയാള പൈതൃക വേദി ആദ്യമായി പ്രസിദ്ധീകരിച്ച പുസ്തകമാണിത്. വിദ്യാഭ്യാസവും ഭരണവും കോടതിയും മലയാളത്തില്‍ എന്ന നയത്തിലൂന്നി പ്രവര്‍ത്തിക്കുന്ന ഭാഷാ സംഘടനയാണ് മലയാളം ഐക്യവേദി. ഇന്ന് മലയാളം മാധ്യമമാക്കി പ്രവര്‍ത്തിക്കുന്ന വിദ്യാഭ്യാസ സ്ഥാപനങ്ങള്‍ വിരലിലെണ്ണാവുന്നത് മാത്രമാണ്.
അതുപോലെ ഭരണഭാഷയായി മലയാളത്തെ അംഗീകരിച്ചിട്ടുണ്ടെങ്കിലും സര്‍ക്കാര്‍ സ്ഥാപനങ്ങള്‍ വീണ്ടും ആംഗലേയ ഭാഷയിലേക്ക് തിരികെ പോകുന്ന സ്ഥിതിയാണുളളത്. കോടതി ഭാഷയും സാധാരണ ജനങ്ങള്‍ക്ക് മനസിലാവാത്ത കടിച്ചാല്‍പ്പൊട്ടാത്ത ഇംഗ്ലിഷ് വാക്കുകള്‍ ഉള്‍ക്കൊളളുന്നവയാണ്. ഇതിനൊക്കെ എതിരേയാണ് മലയാളം പൈതൃക വേദി ഭാഷാനിയമം വേണമെന്ന ആവശ്യം ശക്തമാക്കുന്നത്. ഇതോടൊപ്പം മലയാള ഭാഷയെ പരിപോഷിപ്പിക്കുന്നതിനുളള ഭാഷാ
ക്യാംപുകളും ബോധവത്കരണ ക്ലാസുകളുമൊക്കെ മലയാള പൈതൃക വേദിയുടെ ആഭിമുഖ്യത്തില്‍ സംഘടിപ്പിച്ചുവരുന്നു.
ഭാഷ ജനകീയമാകണം
ഭാഷ എപ്പോഴും ജനകീയമാകണം. ഭാഷാശുദ്ധിയെന്നു പറയുന്നത് അത്ര സൂക്ഷ്മമായി കാണേണ്ട ഒന്നല്ല. ഇന്ന് തകഴിയെ പോലെയോ ബഷീറിനെ പോലെയോ എഴുതുന്നവരില്ല. പുതിയ തലമുറയ്ക്ക് ജനകീയമായ അടിത്തറയില്ലെന്നതാണ് ഇതിന് കാരണം. ബഷീറിന്‍റെയൊക്കെ എഴുത്ത് ഭാഷാപണ്ഡിതന്മാര്‍ അംഗീകരിച്ച ഭാഷയല്ല. എന്നാല്‍ ഇവരുടെ കൃതികളൊക്കെ ജീവിതത്തിന്‍റെ സൂക്ഷ്മ ഭാവങ്ങളിലേക്ക് ഇറങ്ങിച്ചെന്നവയാണ്. കുമാരനാശാന്‍റെ കാവ്യ ഭാവനയോ, വളളത്തോളിന്‍റെ പദസമ്പത്തോ ഇന്നത്തെ എഴുത്തുകാര്‍ക്ക് സാധ്യമാകുന്നതല്ല. ശാസ്ത്രജ്ഞനൊരു ഭാഷ, സാഹിത്യകാരനൊരു ഭാഷ, കര്‍ഷകര്‍ക്കൊരു ഭാഷ ഇങ്ങനെ ഭാഷയ്ക്ക് വിവിധ തലങ്ങള്‍ ഉണ്ടാവുന്നത് നല്ലതാണ്. ഇതൊക്കെ ഭാഷയെ കൂടുതല്‍ ജനകീയമാക്കുകയും വളര്‍ത്തുകയും ചെയ്യുന്നുവെന്നും പവിത്രന്‍ പറയുന്നു.
പരിപോഷണമല്ല, ഉന്മൂലനം
മലയാള ഭാഷയെ പരിപോഷിപ്പിക്കാനുളള ശ്രമമല്ല, ഉന്മൂലനം ചെയ്യാനുളള ശ്രമമാണ് നമ്മുടെ സര്‍ക്കാറുകള്‍ നടത്തിക്കൊണ്ടിരിക്കുന്നത്. മലയാളത്തിന് ശ്രേഷ്ഠ ഭാഷാ പദവി ലഭിക്കുന്നതിന് മുന്‍പ്, അതായത് ഒരു 30 വര്‍ഷം മുന്‍പ് ഊര്‍ജിതമായി നടന്ന ഭാഷാ പരിപോഷണ പ്രവര്‍ത്തനങ്ങളെല്ലാം ഈ പദവി കിട്ടിയതോടെ അവസാനിപ്പിച്ചുവെന്നു പറയുന്നു പവിത്രന്‍. 80 കളിലേക്ക് കടന്നതോടെയാണ് ഭാഷയെ എങ്ങനെയെങ്കിലും ഉന്മൂലനം ചെയ്യാനുളള ശ്രമങ്ങള്‍ നടന്നത്.
ഭരണം ജനങ്ങളിലേക്ക് എത്തരുതെന്ന ഉദ്ദേശ്യമായിരുന്നു ഇതിന് പിന്നില്‍. മറ്റു സംസ്ഥാനങ്ങളെ അപേക്ഷിച്ച് കേരളത്തിലെ ജനങ്ങള്‍ വ്യക്തി കേന്ദ്രീകൃതമായി ചിന്തിക്കുന്നവരാണ്. കേരളത്തില്‍,കേരളപ്പിറവി ദിനത്തില്‍ മാത്രം ഓര്‍മിക്കുന്ന ഒന്നാണ് മലയാള ഭാഷ. തമിഴ്നാട്, കര്‍ണാടകം പോലെയുളള സംസ്ഥാനങ്ങള്‍ മാതൃഭാഷയ്ക്ക് വേണ്ടതെല്ലാം ചെയ്തു വച്ചിട്ടാണ് ശ്രേഷ്ഠഭാഷാ പദവിക്ക് ശ്രമിച്ചത്. എന്നാല്‍ മലയാളത്തെ ശ്രേഷ്ഠാഭാഷാ പദവിക്ക് പരിഗണിച്ചപ്പോള്‍ വെറുതേ പോയി പദവിയും വാങ്ങി വരുക മാത്രമാണ് ചെയ്തത്.
തമിഴ്നാട്ടില്‍ ദ്രാവിഡ രാഷ്ട്രീയ പാര്‍ട്ടികളുടെ അടിസ്ഥാനം തന്നെ ഭാഷയാണ്. അതുപോലെ കര്‍ണാടകത്തിലും ബംഗാളിലുമൊക്കെ നടന്നത് എത്രയെത്ര ഭാഷാ സമരങ്ങള്‍… കേരളത്തില്‍ ഒരു രാഷ്ട്രീയ പാര്‍ട്ടികളും ഭാഷാ സമരം ഏറ്റെടുത്തില്ലെന്നു തന്നെ പറയാമെന്നും പവിത്രന്‍.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

PLEASE NOTE
അവഹേളനപരവും വ്യക്തിപരവുമായ അധിക്ഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള് മലയാളത്തിലോ ഇംഗ്ലീഷിലോ മംഗ്ലീഷിലോ എഴുതാം.

ഈ മാസത്തെ ജനപ്രിയ പോസ്റ്റുകള്‍‌

ലേബലുകളിലൂടെ തിരയൂ...

അജിത്. കെ (1) അടൂര്‍ (1) അനുസ്മരണം (1) അരുണ്‍. എസ്. ശശി (1) അസീസ് തരുവണ (1) ആദരാഞ്ജലികള്‍ (2) ആര്‍.വി.ജി.റിപ്പോര്‍ട്ട് (1) ആലപ്പുഴ (1) ആല്‍ബം (7) ആശംസകള്‍ (4) ഇ.ദിനേശന്‍ (1) ഇന്ത്യാ ടുഡേ (4) ഉത്തരവ് (8) ഉപവാസ സമരം (1) ഉമ്മര്‍. ടി. കെ (1) എ.എന്‍.പി. ഉമ്മര്‍കുട്ടി (1) എഡിറ്റോറിയല്‍ (12) എന്‍. വി. പി. ഉണ്ണിത്തിരി (1) എം. ആര്. രാഘവവാര്യര് (1) എം.ടി. (2) എം.പി. വീരേന്ദ്രകുമാര്‍ (1) എര്‍ണാകുളം (3) എസ്. ആര്‍. ഹരീഷ് (1) എസ്.സി.ഇ.ആര്‍.ടി. (1) ഐക്യമലയാള പ്രസ്ഥാനം (2) ഒന്നാം ഭാഷ (12) ഓണ്‍ലൈന്‍ പ്രചരണം (1) ഓർഡിനൻസ് (1) ഓര്‍മിപ്പിക്കല്‍ സമരം (1) ഔദ്യോഗികഭാഷ (3) കണ്ണൂര്‍ (8) കത്ത് (5) കന്നട (1) കരുണാനിധി (1) കല്പറ്റ നാരായണന്‍ (1) കല്‍പറ്റ നാരായണന്‍ (1) കവിത (1) കാര്‍ട്ടൂണ്‍ (1) കാവുമ്പായി ബാലക‍ൃഷ്ണന്‍ (1) കാസര്‍കോട് (4) കൃഷ്ണയ്യര്‍ (1) കെ. എം. അബ്ദുള്‍ സലാം (1) കെ.കെ.കൊച്ച് (1) കെ.പി.രാമനുണ്ണി (6) കേരള സിലബസ് (1) കേരളകൌമുദി (6) കൈരളി ടിവി (2) കൊയിലാണ്ടി (1) കൊല്ലം (1) കോടതിഭാഷ (21) കോണ്ടാക്റ്റ് (1) കോഴിക്കോട് (10) ക്യാമ്പ് (2) ക്ലാസിക്കല്‍ പദവി (1) ഗീത (2) ഗൂഗിള് ട്രാന്സ്ലേറ്റ് (1) ഗ്രന്ഥാലോകം (1) ചലച്ചിത്രോത്സവം (3) ചാനല്‍ ചര്‍ച്ച (1) ചിത്രങ്ങള്‍ (49) ജനയുഗം (8) ജന്മഭൂമി (3) ജില്ലാ കൂടിയിരുപ്പ് (1) ജില്ലാ ക്യാമ്പ് (1) ജില്ലാ സമിതി (3) ജില്ലാ സംഗമം (1) ജില്ലാ സമ്മേളനം (14) ജോര്‍ജ് വര്‍ഗീസ് (1) ടി. മധു (1) ടിക്കറ്റ് (1) ഡി. ദയാനന്ദന്‍ (1) ഡി. വിനയചന്ദ്രന്‍ (1) തമിഴ് (3) തിരുവനന്തപുരം (21) തുഞ്ചന്‍ ഉത്സവം (2) തൃശ്ശൂര്‍ (3) തേജസ് (2) ദ ഹിന്ദു (5) ദേശാഭിമാനി (22) ധര്‍ണ്ണ (4) നടുവട്ടം ഗോപാലകൃഷ്ണന്‍ (1) നിയമസഭയില്‍ ലഭിച്ച മറുപടി (1) നിയമസഭാ മാര്‍ച്ച് (1) നിരാഹാരസമരം (2) നിവേദനം (2) നോട്ടീസ് (34) പത്തനംതിട്ട (4) പത്രക്കുറിപ്പ് (3) പത്രസമ്മേളനം (2) പരമ്പര (1) പാഠപുസ്തകം (1) പാലക്കാട് (14) പാലോട് രവി (1) പി. കെ. ശ്രീകുമാര്‍ (1) പി. ജെ. ഫ്രാന്‍സിസ് (1) പി. സുരേഷ് (1) പി.ആര്‍.നാഥന്‍ (1) പി.ഐ. ശങ്കരനാരായണന്‍ (1) പി.കെ.രാജശേഖരന്‍ (1) പി.ജി. (1) പി.പവിത്രന്‍ (22) പുസ്തകപരിചയം (2) പൊതുവിദ്യാഭ്യാസം (2) പോസ്റ്റര്‍ (12) പ്രതികരണം (1) പ്രബന്ധാവതരണ പരമ്പര (1) പ്രബന്ധാവതരണം (1) പ്രാദേശിക സമിതി (10) പ്രേമചന്ദ്രന്‍ (2) പ്ലസ് വണ്‍ (5) ഫീച്ചര്‍ (1) ബി.എസ്.വാരിയര്‍ (1) ബ്ലോഗന (1) ഭരണ ഭാഷ (1) ഭാരവാഹികള്‍ (2) ഭാഷ (4) ഭാഷാനിയമം (2) ഭാഷാപോഷിണി (1) മനോരമ ഓണ്‍ലൈന്‍ (2) മംഗളം (5) മലപ്പുറം (31) മലയാള മനോരമ (21) മലയാള സര്‍വകലാശാല (8) മലയാളം (6) മലയാളം ടെക്സ്റ്റ് (5) മലയാളം വാരിക (5) മറാത്തി (1) മാതൃഭാഷാദിനം (45) മാതൃഭാഷാവകാശജാഥ (9) മാതൃഭാഷാസംഗമം (9) മാതൃഭൂമി (131) മാതൃഭൂമി ആഴ്ചപ്പതിപ്പ് (3) മാധ്യമം (16) മാസിക (1) മിനിറ്റ്സ് (1) മൊബൈല്‍ (1) രാഘവന്‍ പയ്യനാട് (2) രാജന്‍ ഗുരുക്കള്‍ (1) രൂപരേഖ (1) ലേഖനം (112) വത്സലന്‍ വാതുശ്ശേരി (1) വയനാട് (6) വായനശാല (1) വാര്‍ത്ത (209) വാർത്ത (9) വാര്‍ഷികം (3) വി. ആര്‍. കൃഷ്ണയ്യര്‍ (1) വി. പി. മാര്‍ക്കോസ് (1) വി.ആർ.കൃഷ്ണയ്യർ (1) വി.സി.അഭിലാഷ് (1) വിക്കിപീഡിയ (1) വിജ്ഞാന മലയാളം (18) വിജ്ഞാനകൈരളി (27) വിദ്യ. എസ് (1) വിദ്യാര്‍ത്ഥി മലയാളവേദി (6) വീക്ഷണം (1) വീരേന്ദ്രകുമാര്‍ (1) ശങ്കരനാരായണന്‍ (1) ശാസ്ത്രഭാഷ ഗവേഷണഭാഷ (1) ശാസ്ത്രവാര്‍ത്തകള്‍ (11) ശില്പശാല (1) ഷാജി ജേക്കബ് (1) ഷിജു. ആര്‍ (1) സതീശ് സൂര്യന്‍ (1) സബ്ടൈറ്റില്‍ (1) സമഗ്ര മലയാള നിയമം (19) സമഗ്രമലയാള നിയമം (4) സമരം (7) സമരവിളംബരം (9) സംഘടന (1) സംസ്ഥാന സമ്മേളനം (26) സി. രാധാകൃഷ്ണന്ർ (1) സി. ശ്രീകുമാര്‍ (1) സിന്ധു (1) സിലബസ് (1) സിറാജ് (3) സുകുമാര്‍ അഴീക്കോട് (1) സുബൈര്‍ അരിക്കുളം (4) സെക്രട്ടറിതലസമിതി (1) സെമിനാര്‍ (4) സൗമ്യ ബേബി (1) സ്കൂള്‍ (1) ഹരജി (1) ഹിന്ദി പാഠപുസ്തകം (2) ഹേമ ജോസഫ് (1)